發表文章
女生都夢寐以求滑滑肌膚，需知道肌膚素質冇可能一下兒就改善到，所以要施一施掩眼法！今次同大家介紹Kanebo Coffret D'or冬季最新推出既Essence Fix同Silk Cream Foundation可以幫上忙啦！
產品包裝有如鑲左寶石，感覺高貴~賣點係絲潤美肌粉體配方同水溶性膠原蛋白（保濕）配方， 增加肌膚細緻及光澤感。
絲潤美肌粉體配方模仿絲綢內部（絲心蛋白）構造，絲綢纖維由不同粗幼形狀纖維集成，反射唔同角度光線造成光澤同柔滑感。絲潤美肌粉體包括絲潤光感微粒同絲潤保濕精華（保濕成份），密集包圍住顏料，情況如絲綢纖維光線經多重反射睇落柔滑有光采。
Kanebo Coffret D'or Essence Fix SPF24 PA++ （全1款）HK $230 / 25ml
濃密滋潤成分以融化般的觸感擴展延伸，以均勻滋潤膜維持柔嫩肌膚的美容妝前乳。
樽口好細唔怕一下子倒得太多。
上粉底前先用上Essence Fix打好底令妝容更貼更持久，哩款base有SPF24 PA++防曬同保濕功效，令肌膚上左妝都唔會乾，防曬都唔洗另外搽。有粉紅珠光色調既輕盈乳液狀，觸感滑滑，一抹就輕易推開。
薄薄一層同肌膚融合之後觸感粉嫩，唔會油笠笠又感覺水潤。搽上後肌膚較為有光澤，望落明顯剔透明亮，不過對面上瑕疵及毛孔只有輕微修飾作用。
Kanebo Coffret D'or Silk Cream Foundation SPF21 PA++ （全7款）HK $300 / 25g
豐富柔滑的乳狀質地，創造滋潤光澤的極致絲柔肌膚。濃密滋潤，與輕柔觸感創造高級絲綢般迷人光澤＆絲滑肌膚質感的粉底。
用罌仔世盛載，扭開之後仲有一片膠膜確保未曾開封。霜狀質地用手指撩恐怕甲邊變黃好嗱咋，而且唔太衛生，不過哩款好貼心咁附有小膠匙，而且響蓋面有個暗隔將佢收好，用完收好就唔怕唔見左啦~
重水感質地，觸感柔滑好推，非常貼薄自然唔厚重。以粉底黎講遮瑕度算唔錯，淺色斑都成功隱藏。滋潤度高秋冬日用都唔會乾，眼周用都無令眼紋加劇。上粉後肌膚變細緻，毛孔被填補唔少睇落肌膚幼滑亮澤。維持到半日都無浮粉無變暗，只係食完野T-zone有點油光（無上碎粉情況下），用紙巾印印都無嚴重甩粉。
用手或海綿推勻之後記得以手掌覆蓋臉頰4秒，以體溫將粉底融合肌膚表層，有助提昇服貼感同光澤感。
用前用後對比圖，遮瑕度唔差，嚴重熊貓眼淡左（都係要靠遮瑕膏吧
），淺色斑同印仔都隱形，光澤同柔滑度UP！最讚係保濕度好高，成為兔比冬日愛用底妝品啦
0 留言:
張貼留言