發表文章
實不相瞞兔比今年已經踏入「輕熟女」*行列，哩兩三年肌膚有明顯變化，復元能力大不如前，毛孔細紋更為顯眼，真係唔認老都唔得．．．一定要諗諗對策防止肌膚問題進一步惡化！
（*註：「輕熟女」乃台灣新名詞指25至35歲之間，擁有獨立的經濟能力既都會女性，心理特質為「積極正面生活態度 、處世手腕靈活 、想法天真及自信 」）
唔好以為仲後生就可以忽視為抗老，根據SHISEIDO 指出人生所接受既紫外線有一半係20歲前吸收，而紫外線正正係令肌膚提早老化既其中一大元兇，記得要做好防曬功夫呀！另外乾燥都可會加速肌膚老化，保濕都唔可以忽視。如果肌膚已經出現衰老現象都唔好慌，選擇合適產品防止進一步老化同淡化衰老痕跡係刻不容緩。
好高興獲she.com邀請以blogger身份出席「SHISEIDO 亞洲抗衰老座談會 2011」，短短半年blogger生涯參與大型活動今次係第一個，據知she.com今次合共邀請45位blogger參與，能夠成為其一位實在令兔比感到萬分榮幸。
入座前參與者可以自由係展區一邊享用飲品同精美小食一邊參觀，現場展出SHISEIDO最新BENEFIANCE WrinkleResist24同其他產品系列，大家可以用手試試產品。
駐場美容顧問樂於介紹產品同時可以為大家做皮膚測試。
事不宜遲，當然要了解一下自己皮膚狀況，兔比面上三角肌紋有部份唔夠細密，即係肌膚素質唔理想
美容顧問表示兔比皮膚問題唔大，但水份不足刺激油脂分泌，以致毛孔擴大，要特別注重保濕~
今次活動集合左一眾亞洲美容及形象專家作嘉賓，包括高須惠美子（SHISEIDO 美容策劃研發中心所長）、森川丈二（日本化妝髮型大師）、牛爾老師（台灣美容權威） 、 Kang Ok Jin（韓國ELLE總監）同劉天蘭（香港形象顧問），活動第一部份一眾嘉賓向參與者分享各地抗老趨勢同獨門秘訣，由於各嘉賓都講不同語言，大會貼心咁為大家提供即時多種語言傳譯。
高須小姐先剖析衰老成因，教大家點延遲衰老保持青春。 除左日常護膚，化妝髮型起到既即時年青效果非常明顯。
牛爾老師推介台灣抗老食品麻油雞同知易行難既每日食水果習慣，就算食supplement都絕對比唔上食水果，仲即時示範黃金十點按摩法有助抗肌膚下垂。
Kang Ok Jin小姐介紹韓國流行既護膚方法，講到美容韓國真係好出色，一眾女星真實年齡跟外貌完全不符。
森川先生糾正大家對”Kawaii“既誤解，“Kawaii”唔只可愛cutie咁簡單，有活力正面既意思，係日本人讚美用既詞語黎架！作為化妝髮型大師，森川先生當然唔少得分享令人睇起黎更年輕既化妝貼士。
劉天蘭小姐提出既”知己知彼“言論令人印象深刻，只要認清自己優點缺點從而著手打扮，人人都可以變年輕起黎。
第二部份由SHISEIDO研究人員公佈最新研究結果同介紹BENEFIANCE WrinkleResist24系列，同以前上Bio lecture幾乎一樣 XD 其實成個皺紋形成既過程都幾複雜（學術研究ma~），簡單黎講係紫外線引發致皺因子VEGF增加，當而抗皺因子 TSP-1 少過VEGF，致皺血管就會形成釋出彈性纖維酵素，彈性纖維被分解造成皺紋。
針對研究結果，SHISEIDO BENEFIANCE WrinkleResist 24特別揉合 3 種成份包括小球藻 ( Chlorella ) 、棕兒茶 ( Gambir ) 及無患子 ( Mukurossi )精華抑制皺紋形成程序。無患子精華係研究人員花左3年從 22,300 種成分中行篩選出黎既新加入成分，可抑制皺紋酵素出現，有效減少皺紋形成。經過咁嚴謹既科研，對SHISEIDO產品非常有信心。
壓軸出場有SHISEIDO形象大使余詩曼分享BENEFIANCE WrinkleResist24系列用後感
每位出席blogger都收到一份由SHISEIDO送出既心意禮物。
睇睇先！有全新BENEFIANCE WrinkleResist24系列包括Extra Creamy Cleansing Foam、Balancing Softener、Day Emulsion同2011年座檯月曆。
今次活動令兔比接收唔少抗衰老貼士，要保持肌齡就要及早Action，正所謂「世上沒有醜女人，只有懶女人」！
每一個推及留言都係小妹出文動力啊~ 謝謝支持!
0 留言:
張貼留言