熱帶雨林修護精萃一”瓶“擁有？！

早前兔比有幸出席「 everyBody Labo x Rick Chin 亞馬遜發現之旅 」分享聚會（前文回顧：Rick Chin用心打造的本地良心品牌。。。亞馬遜尋找護膚力量），親身見到星級化妝師Rick Chin，聽佢親自介紹自家品牌everyBody Labo (体．研究所)，感受到佢既誠意，仲獲發首個護膚系列”expertise”產品兩件。

收到既產品有Beauty essence（美肌修復抗皺精華）同All-In-One 24 for face & eyes（24小時全效修護乳霜）

 

”expertise”產品用全白色包裝簡約又時尚，Beauty essence有別一般醫學美容精華，雖然同樣有滴管樽蓋但以膠樽盛載，唔怕打爛^^All-In-One 24 for face & eyes整個罌都圓圓，非常易認~

 

全個”expertise”系列包括：

Beauty essence 美肌修復抗皺精華　$380 / 30ml

All-In-One 24 for face & eyes 24小時全效修護乳霜　$380 / 75g

Eye Cream for Fine Lines 全效擊退幼紋眼霜　$180 / 15ml
Sleeping Mask 水凝睡眠面膜　$180 / 70ml

Moist Cleansing Cream 美肌保濕潔面膏　$120 / 100ml

 

”expertise” 以Rick Chin由亞馬遜熱帶雨林區搜集之天然珍貴配方研製，產品成份包括3大元素：8大熱帶雨林植物精華（k8）、天然有機水（Organic Water）、專利醫學成份，想知多D可以睇返前文（前文回顧：Rick Chin用心打造的本地良心品牌。。。亞馬遜尋找護膚力量）

Beauty essence（美肌修復抗皺精華）

乃Rick Chin首推產品，採用天然原材配合法國頂尖醫學美容專利成份，提供6大修復功效：高效修復、鎖水、保濕、抗皺、舒緩肌膚壓力及加速膠原蛋白增生。產品配方通過法國研究室同多位皮膚科醫生驗證，連續使用56天，皮膚水份顯著提升97%及有效減淡細紋達45%。

蘊含K8（8大熱帶雨林植物精萃）、透明質酸、金縷梅提取液等，配合專利美容成份（Matrixyl™ 3000 胜肽複合抗皺精華、Enteline 2®天然藻舒敏精華），並以全個系列貫切使用既天然有機水混調。

 

用滴管輕易控制分量。水狀質地無氣味，輕易推開，一滴已經足夠手背咁大範圍，迅速被皮膚吸收，感覺水潤又唔笠。

All-In-One 24 for face & eyes（24小時全效修護乳霜）

全面連眼同頸都用得，集面霜眼霜於一身夠晒方便慳時間，而且一次過提供7大全效修護：抗氧化、淨白、抗皺、緊緻、保濕、舒壓及増強肌膚抵禦力，針對繁忙上班族研製，減省複雜護膚程序，全面搽完就可以馬上覺覺啦！

 

蘊含K8（8大熱帶雨林植物精萃）、黃芪精華、維他命 E 及專利美容成份（Matrixyl™ 3000胜肽複合抗皺精華、Kombuchka™紅茶菌及 Oligogeline® 深海紅藻修護精華等），同樣以天然有機水混調。

 

開蓋後仲有保護膠片，唔會一扭開成蓋都係咁mess。一開蓋就聞到草本味（有D似雲尼拿），兔比本身唔太鍾意聞，好彩唔太濃烈吧~質地係比較厚身似雪花膏，推開後要按摩一下先可以完全吸收，但勝在夠滋潤唔油膩。搽完會有少少笠，不過秋冬會岩，第朝起身都唔會覺得肌膚乾巴巴，鎖水效果不俗。用左兩星期黑頭粉刺都無明顯多左，證明佢唔會block毛孔，可以放心用~日間搽完之後記得再搽防曬品，哩款無防曬功效架！

 

 

 

 

 

睇睇用響手背既即時效果，未搽任何野之前所有讀數都負晒（懶搽手又勤洗手，宜家出事啦

）

先搽Beauty Essence，油份勁升到爆格，水份升6格；再搽埋All-In-One 24 for face & eyes，油份反而跌左（All-In-One油份唔多吧~），水份再升到爆格（皮膚測試筆唔係精密儀器，讀數只供參考）。即時可見滋潤效果出色！

 

 

值得一讚係產品都清楚寫明有咩成份，而且取材自天然，俾用家一份信心！功效經醫生驗證但價錢唔貴呢~ 銷售點除左Harvey Nichols同專門店仲有總有間係左近既Mannings。

 

everyBody Labo Facebook Fan Page: http://www.facebook.com/#!/everybodylabohk

Rick Chin誠意出品，兔比誠意推介！

 

每一個推及留言都係小妹出文動力啊~ 謝謝支持!

Categories: ● 抗皺, ● 修護, ● 精華, ● 熱帶雨林, ● expertise, ● K8, ● rick chin, 產品試用