再會兒時好朋友。。。幹嗎您一身藍莓味？！

兔比哩個好朋友都幾出名，好多80後一定細細個就見過佢啦！絕無誇張架！兔比個好朋友咪就係佢囉~

「Fueki好朋友」哩個狗仔icon早響1975年於日本面世，成立之初Fueki生產文具產品，而當中用狗仔造型容器載住嘅「動物槳糊」成為好多小朋友嘅集體回憶之一。兔比記得幼稚園時候成日用哩款槳糊做勞作，同好多小朋友一樣個容器靚D可愛D用都用得特別開心~不過隨住槳糊筆嘅出現，槳糊都已經被淘汰，今時今日冇幾多人會用槳糊吧？

好開心早前收到Sweet vs Bitter - Syreeta BLOG送出嘅Fueki好朋友免沖洗藍莓秀髮修護霜！

含13種氨基酸及植物提取成份Ceramide同珍珠提取成份Conchiolin
，修護受損髮質，特別適合染髮、髮質乾旱、經常使用風筒之人仕用。

同樣嘅可愛包裝而顏色帶黎新鮮感，由紅帽子黃色狗仔換成桃紅帽子白色狗仔造型，的的式式非常討人喜愛~ 

脫走帽子仲有層膠膜封口，唔會被人手多多開過都唔知。

聞到嘅唔係槳糊味，而係香甜藍莓味~ 夏天特別喜歡果味嘅東東耶！

質地係半透明gel cream，好水感唔怕搽到笠黐黐，搽完都唔需要沖洗~ 乾或濕髮都用得夠晒方便

本身髮尾又乾又打晒kick， 好似扯大纜咁辛苦一輪先可以梳到尾，而且齋睇已經係亂草一把針對髮尾搽三隻手指頭份量，然後揉搓至完全吸收，即時髮質感覺柔順又貼服左，唔駛再同頭髮角力啦！

早前敗了馬仔出品spray therapy，用左一排都無咩起色，反而用左好朋友亂草終於可以一梳梳到尾啦！宜家兔比日日出門前都擦一點響髮尾，偶爾都忍唔住要聞聞髮尾嘅藍莓香呢！（有點變態吧）

多謝Syreeta送兔比哩個好朋友~

Categories: ● 好朋友, ● 免沖洗, ● 美髮, ● 槳糊, ● 藍莓秀髮修護霜, ● Fueki, 產品試用