覓食小記。。。再團購AKU特盛宴＋激光燒脂我自己黎！（下篇）

繼上次團購AKU鐵板燒（前文回顧：覓食小記。。。團購的特盛鐵板燒＠K11 AKU），兔比食過返尋味，一見團購又趁低吸納AKU 渥日本料理特盛宴．頂級爐端燒，拖埋隻兔比佬再去開餐~

牆上木架陳列一系列SAKE同酒杯，格調十足。

今次爐端燒係以火爐燒烤食材，同上次鐵板燒係唔同嘅煮法，所坐嘅座位都唔同，面前放住各種唔同食材。

同樣都係客人面前即席燒，然後即時用木板將食物送到客人手上，保証熱辣辣。

阿哥哥應該心諗：喂喂~ 咪影好wo！再唔接住我飛碟啦！

今次團購特盛宴 ‧ 頂級爐端燒包括剌身壽司盛合、鹽燒海虎蝦、鹽燒雞翼、爐端燒牛肉串燒 、爐端燒雞軟骨、爐端燒多春魚、黃金海鮮焗飯、味噌湯同甜品。

剌身壽司盛合有三文魚刺身、油甘魚刺身、甜蝦刺身、加洲卷，剌身夠肥美又新鮮，一睇就知係正野~

爐端燒帶點胡椒味又香又惹味！海虎蝦超大隻，肉質彈牙富口感，又鮮味十足！多春魚燒得剛剛好，唔會太過火變左魚乾。

燒雞翼我鍾意食~ 燒得金金黃黃咬落好香脆，您要咬啖嗎？

爐端燒牛肉串燒個樣真係靚到呢~ 兔比唔食牛所以罷食哩碟，不過見兔比佬食得津津有味

爐端燒雞軟骨其貌不揚，不過oiishi~ 燒得脆口但入面保持到juicy

黃金海鮮焗飯表面有一層芝士，不過芝士略為少左D，入面有好多蝦同蜆肉，飯炒得夠乾身又唔會油淋淋，味道都唔錯~

甜品同湯都係普通野，跟上次一樣。團購價一人前$199已包加一，原價要$396埋單，仲要食材絕對新鮮，好抵食！味覺視覺都滿足晒~

食飽飽唔願郁，養左舊五花腩．．．仲記得無耐之前兔比開始試用Biotherm激光纖體基因消脂精華 Celluli Laser™ SLIM.CODE嗎？（前文回顧：激光燒脂我自己黎！先天性脂肪都有救啦~（上篇））

質地唔會黏笠笠又有果香，夏天搽絕對no problem~

一個月乖乖咁早晚搽做少少按摩（偶爾都會唔記得．．．），腰間肥肉不知不覺有消減，感覺firm左，腰圍度過比之前幼左一吋（數字係秘密，唔話您知！）

當然唔可以期望單搽野，唔運動唔改飲食習慣可以幫您變小蠻腰吧~ 講到底纖體產品都係輔助性質，想fit大家要努力啦！

Categories: ● 日本料理, ● 食評, ● 渥, ● 團購, ● 爐端燒, ● 鐵板燒, ● AKU, ● K11, 飲飲食食