發表文章
半年前兔比同大家分享過 per FACE 激光緊緻及SkinCeuticals潤澤護理療程體驗（前文回顧：激光激活肌膚。。。無敵靚景下的醫學美肌體驗），對 per FACE 留下好印象~ 事隔半年per FACE 邀請兔比再體驗佢地新推出嘅3As激光美白去斑療程
其實早於一個月前兔比已經收到邀請，不過由於當時做緊其他療程未能馬上接受其他療程，於是跟Marketing同事表示需要一個月時間，佢表示一個月後再致電安排，兔比心諗咁講都不過係打完場對白，今次婉拒左應該就此錯過吧~ 點知 per FACE 真係再次致電邀請，佢地實在太有誠意！
早前 per FACE 搵左熊黛林代言，成日搭MTR見到哩個廣告，老實講兔比對熊黛林無咩好感可言，不過哩個廣告拍得實在太靚，禁不住要望多幾眼
3As激光美白去斑療程 包括獨創激光美白同紓壓按摩
先採用短脈衝高速振動激光，將角質細胞內黑色素打散，重點擊退色斑及黑色素，一次過改善色斑、色素不均及暗啞等問題，令肌膚回復嫩白細緻。
激光之後馬上敷上面膜，鎮靜舒緩肌膚及緊緻毛孔。與此同時享受紓壓細胞按摩療法，舒緩因生活壓力而拉緊肌肉，放鬆頭骨外肌肉，可以加快負責供應養份俾腦細胞之腦脊液流動，加強新陳代謝同啓動細胞循環再生，徹底排走多餘黑色素，令美白效果事半功倍。
環境跟上次一樣整齊雅緻，坐低填FORM同時姐姐已經奉上暖暖杞子茶。之後由per FACE同事帶往諮詢房間，介紹今次接受之療程同簽署同意書。
進行療程之前先做一個詳盡皮膚分析
透過皮膚分析機於不同燈光下拍攝（正常光、UV燈同強光），檢視肌膚表層同底層，分析毛孔、皺紋、皮脂同色素比較同齡人士結果，指出需要特別關注之肌膚問題。意料中事兔比嘅色素問題已經去到嚴重程度，大哭。。。實在接受唔到囉！
被帶到化妝間先卸下細遠，Locker比較窄方便掛衫，但放唔入大件嘅東東。
正式入療程房啦！療程前一定要清潔乾淨皮膚，用上嘅cleansing milk有橙香味，實在太好聞~ 潔面同時治療師一邊講解療程程序。
為眉毛同雙眼貼上3M膠作保護就正式開始，頭幾下治療師會再三問感覺可唔可以接受先繼續。
治療師會先做半面俾兔比對比一下即時效果，見到已打激光嘅半邊面變得白淨左，而且改善到暗啞情況，面毛唇毛好似漂左咁由黑色變成白色。治療師話黑色素都吸收左激光而分解，呈現嘅先係本身嘅膚色。另外由於激光將表層打走，見到有黑頭走左出黎。最安心係就算岩岩打完激光都無任何發紅
感覺似俾橡筋大力彈咁，面毛較多嘅位置會比較大感覺，不過都係可以接受嘅小小痛。全程有凍風吹住，肌膚唔覺灼熱而且無紅腫，會聞到燒焦味屬正常情況。
激光過係肌膚最能吸收養份，由房內活門轉到隔離房間進行療程下半部，包括敷mask同按摩。開始前先換上low cut浴袍準備肩頸穴位按摩，不過房內冷氣都幾凍，要馬上蓋住毛巾保暖。
治療師先為兔比搽上水份精華打底，然後搽上水份面膜同倒模，肌膚吸收養份同時馬上進行手部、肩頸同頭部按摩。輕柔嘅按壓同推唔會令人唔舒服，感覺舒緩到一點疲倦感~ 最後脫模清理面膜，搽返面霜防曬就完成整個療程。
換返衫嘅時候發生左一段小插曲，兔比整甩左隻agnes b.耳環，聽到噠一聲跌落地嘅聲但搵唔到，於是同響外面等候嘅治療師講，佢幫我齊齊搵，好彩最尾都搵得返~ 佢仲好貼心咁主動俾張濕左消毒劑嘅紙巾兔比抹乾淨隻耳環，大感謝~
由於激光多少都會帶走肌膚水份，療程後搽野會比較吸收，建議每日都敷面膜，提供足夠水份俾新細胞。臨走前收到一小盒降紅膏，如果出現紅點就薄薄搽上，如果無特別反應一星期後就可以唔要。
療程後肌膚唔只白左仲滑左，而且亮白效果唔係一瞬即逝，4日後依然白淨明亮。不過之後幾日暗粒粉刺開始浮上面，大概因為新陳待謝加強左，底層污垢都馬上跑出黎，同埋肌膚變得較乾令油脂分泌多左，要日日敷mask補水先得。
大家有興趣試試可以$388(原價$2,200)體驗「3As激光美白去斑療程」一次，療程後可以全數換購SkinCeuticals 美白產品，當買產品送療程都夠吸引。立即Click入http://www.perface.com.hk/form/s30.php 登記啦！另外登入 http://www.facebook.com/perFACE.medicspa.hk 有更多獨家優惠~
好正咁喎!
回覆刪除