Hey! It's party time! 型格黑色派對

自從上次收到敗金族嘅MAC面包餅一試（前文回顧：初邂逅即愛上MAC黑勢力。。。發現打光影Best Partner），令兔比感到相逢恨晚！由以前對MAC零好感到大有興趣~

早前水魚大敗MAC眼影，收到品牌每年一度Party入場券，水魚知兔比對MAC東東有興趣，主動帶兔比去見識見識，實在太窩心~ 水魚萬歲！

當晚同水魚及一眾blog友仔興高采烈去Party，未到會場已經見左好多熟悉面孔，尤如出席一個blogger event咁熱熱鬧鬧~ 睇下我地的確係人多勢眾

咁嘅大型Party兔比都係第一次出席，最開心係可以同大伙人齊齊玩，仲有響上架前率先睇到M.A.C Me Over！系列~

雖說係秋季彩妝，但Eyeliner顏色都好奪目~

大會安排左Makeup Artist幫大家變妝，仲有Hair Stylist打造Party look，好似將一個後台化妝間搬左黎會場。

由於人太多都無排到隊，但睇其他參加者化都夠精采

示範環節請黎台灣名模白歆惠作麻豆，示範兩個秋季妝容，轉一轉就係兩種截然不同嘅感覺。距離太遠只能夠影到咁．．．見諒兔比用嘅只係kit鏡

徐濠縈同熊黛林作嘉賓，一齊見証化妝改造個人形象，幾名完全不起眼嘅參加者經過化妝同styling之後好似變左另一個人，型格十足，真係眼前一亮！明知拍唔到咁遠只有哩兩三張相留個記念

離開時收到一袋MAC產品，太驚喜啦！原本只係過黎湊熱鬧，無諗過會有收獲呢~

之後跟大隊去食晚飯，嘻嘻哈哈過左一個愉快晚上，不過歡樂嘅時間過得特別快，又係時候講byebye~ 第朝仲要返工，累爆！仲樂極生悲俾化妝檯燈膽燙傷手，足足成個星期先埋晒口，下次唔敢掛住四圍影

上星期活動後同一眾blog友逛尖尖，終於敗左被燒左好耐嘅面包餅，上次嘅soft and gentle作光影，而今次敗medium brown作陰影之用，特別嗚謝靚媽小砂幫忙！下次再詳細分享哩塊好物~

最近準備搬新居喇！舊居宜家已經無得上網，所以唔可以經常出文同捧大家場．．．

Categories: ● 化彩, ● MAC, ● party, 活動分享