千奇百趣：水手群出沒注意！（下篇）

上回分享左深灣遊艇會出現一群水手裝打扮女子嘅奇景（前文回顧：千奇百趣：水手群出沒注意！（上篇）），原來佢地都係「Neutrogena x RICOH 驚喜快拍抗曬 Summer Fun」活動參加者，搭船上左小島之後有咩新奇刺激又好玩嘅玩意等緊佢地呢？

食飽飽係時間上路．．．．．．．．．．．．．．．．．．．．．玩遊戲啦！

Game Time！睇過參加者玩Game ，您就知咩叫「將不可能變成可能」！8個人一組，音樂一停要將佢哋D腳企晒入一張報紙入面，報紙以外如果仲有腳掂地就全組被out，每round之後報紙會被對摺一半，同時踩爛張報紙會被淘汰，直至最後out剩一組為止！參加者周身汗你攬我我攬你，仲你踩住我踩住你，現場氣氛Hot到爆燈！據悉有人玩到腳都瘀埋，唔知仲以為係女子摔角~

刺激遊戲點只一個，9 人一組從一堆字母入面搵出需要嘅然後砌出Helioplex，最快手個組就係Winner~睇下佢哋玩到都無儀態可言啦！齋睇唔玩都戥佢地緊張

玩完遊戲參加者可以試玩一下RICOH PX，哩部RICOH PX長長方方，外型感覺同iphone 4有點相似

唔只機仔細細仲防水防撞，落雨甚至水中拍攝都絕無問題，出海浮潛用岩晒~

顏色選擇有黑、白同青綠3色，白同桃紅色係保護套黎。

規格方面有1600萬有效像素，配備2.7吋LCD同5-25mm焦距及F3.9-5.4光圈鏡頭，5倍光學變焦，一般出門影下snap應付有餘。小巧(100mm x 55mm x 21.3mm)之餘又輕盈，計埋電池同memory card都只係156g重，夠晒方便啦~

仲有20多個唔同拍攝模式，其中上圖所見係拍攝拍賣商品模式，由於時間關係情報員唔可以逐一試清楚。

不過比較不足係鏡頭好易被整污糟同印到手指模，由於哩類防水相機通常都無鏡頭蓋唯有密密幫佢抹下面囉~

除左玩相機都可以畫個body paint或係等攝影哥哥幫手影張靚相。哩個情景咪名乎其實係"曬相"囉~ XD

最後唔少得派禮物，幸運抽獎同最佳Marine Style造型獎送出一袋二袋厚禮，唔中嘅都有禮物包，一於皆大歡喜！

太陽開始落山又係回程之時，參加者都盡興而歸~ 禮物包入面都係實用東東耶

唔知您又覺得哩個活動有幾趣？情報員兔比就話爆趣，不過下次再同陽光玩遊戲嘅活動都係咪搞佢，事關佢已經黑到舊炭咁．．．

Categories: ● 抗曬, ● 深灣遊艇會, ● Neutrogena, ● RICOH, 活動分享