初玩水染甲。。。兔比的夏日COOL LA LA甲

有睇過水魚篇水染甲教學文都應該知水染甲係咩一回事吧？（唔知可以去睇下水魚嘅教學文）其實早響好幾年前已經睇過雜誌教整水染甲，不過兔比資質有限睇唔明，搞到一團糟．．．

多得水魚同Purple House終於成功啦！皆因早前透過水小姐報名參加Purple House主辦水染甲班，有老師指導包學得曉~

Purple House位於觀塘分店地方唔細，足夠我地4個Blogger搞搞震（同場仲有+yiu、Starki同Yandy），未開始前大家都在拍拍拍。由於兔比遲到大家都已經揀好選用甲油．．．

Purple House嘅阿裴同花花坐陣教路

除左一杯清水同甲油，事前我地仲需要幾樣小道具：

醫生膠紙（貼紗布個款）用黎包住手指，由於要浸隻手指落水，唔包膠紙實染到一手都係會抹到喊，包住玩完一撕OK方便清理~

牙籤用黎拉花；棉花捧清理水面上甲油，而且可以印走甲面水泡

先揀選心水顏色組合，兔比揀左天藍同蜜瓜綠，顏色之間對比不大所以會加上白色間開

另外，要水染效果明顯，所用甲油顏色要比較實，太透的話建議先油打底色。以兔比自己為例，甲油顏色都偏淺，水魚幫兔比油一層白色打底，有人待候呵呵~

水魚出場當然唔止油下甲咁便宜佢，即場示範黎睇下先~ 水小姐個樣超專注喔

將甲油掃貼近水面滴，頭一隻色可以滴多一滴。待甲油響水面化開就可以滴另一隻色，每種色滴晒之後再重複，大概6-7滴左右

用牙纖先由中心向杯邊4個唔同方向拉開甲油，然後可隨意畫

建議由尾指開始做起，因為由母指較容易被杯邊整花。揀選一個您最滿意嘅圖案位置，然後甲面水平向水面浸入去，然後手指馬上指向杯底，用棉花捧撩開浮面嘅甲油先將手指離開水面，甲面向下拍一下手指拍走水點

提提您：做另一隻甲前記得清理乾淨水面上殘留甲油！如果水面太多油份，甲油化唔開就應該換過杯清水

粉紅色哩個係Yandy嘅靚靚水染甲

兔比嘅又青又藍水染甲，有無眼前一“涼”嘅感覺呢？

待乾後撕走膠紙再搽上topcoat就完成喔！

其實都唔太複雜，可能頭一次唔熟手要花比較長時間去做，熟能手巧嘛~ 水染出黎比平時搽甲油快乾而且效果唔會一撻撻唔均勻咁

大家一齊show off下靚靚成果先~ 水小姐一個欠打嘅樣子

Purple House送左我地每人兩支雷射甲油，好閃爍嘅深色系甲油岩晒心意~

Purple House有好多美甲產品，想幫指甲扮靚靚可以去分店睇睇，要了解更多可以click入Facebook Fanpage

特別嗚謝水魚同Purple House！

Categories: ● 水染甲, ● 美甲, ● DIY, ● Purple House, 玩甲DIY, 活動分享