妙筆生輝。。。爆笑名師教簡易上手Smoky Eye

Smoky Eye係眼妝之最同時係化妝低手卻步嘅領域，兔比同好多sis一樣都覺得Smoky Eye好難handle，一個唔小心就變成Messy Eye．．．

早前爆開心有份出席「eLadies x Max Factor 全效眼妝體驗之旅」有機會跟星級化妝師Jonathan Li學化Smoky Eye，一改Smoky Eye就係難以掌握嘅諗法！

Jonathan指化妝大致分＂返工精神妝＂同＂放工妝＂，前者明顯係似有還無，以自然為原則，其實非常快捷簡單。有人會話每日返工無時間化妝，Jonathan話每日洗面刷牙夠要時間啦！

Jonathan先示範＂返工精神妝＂，第一步唔係上粉底而係畫內眼線（剔起少少眼皮填密睫毛根部），知道原因嗎？

為免畫眼線個時失手整花底妝，又要花時間去修正，化得黎都夠鐘出門，所以改畫眼線先反正內眼線一定唔會搽埋粉底吧~ 留意眼線要用黑色，否則畫左都唔覺就嘥氣啦！

眼線方面選用Max Factor Liquid Effect Pencil

雖然係pencil但畫出有如liquid同gel liner鮮明效果，而且係雙頭設計，筆頭另一端係橡膠掃頭可將眼線blend開成眼影。順滑顯色度又高，乾透後唔易甩色，畫內眼線都可以放心。

底妝薄薄搽上Weightless Foundation

蘋果位印上Creamy Blush（不同顏色嘅膏狀胭脂都可以混合使用）

胭脂之後先以粉餅定妝，胭脂會營造自然透紅感覺。底妝完成後全面膚色變均勻，但要遮蓋色斑或其他瑕疵都要靠concealor，不過Jonathan話面上少少斑斑俾人感覺cute D~

最後以Z形手法搽上False Lash Effect Fusion Mascara，睫毛變濃密又纖長，眼仔都精靈D！

眉形主要靠修眉，畫眉只係填補眉毛間空隙。咀唇搽上Lip gloss就可以

上班妝容就係咁簡單~ 精神晒！

收工咁多節目點可以咁平淡？大膽加多D色彩轉成晚妝So Easy！

先以白色眼影筆打亮整個上眼蓋

畫上全條上外眼線，眼尾部分拉長少少再用橡膠掃頭稍稍blend鬆，畫上下眼線同樣稍稍blend鬆（日妝只會畫眼尾1/3）

垂直Mascara刷頭左右來回為下眼睫毛刷上Mascara。

完成眼線先真正開始用眼影打造Smoky Eye，眼尾1/3搽上黑色

然後用主色（是次為藍色）搽上眼頭2/3，當然兩隻色之間要有blending

最後用主色畫下眼線，層次十足嘅Smoky完成！

Jonathan知道好多女生因為怕眼腫而唔用某D顏色，佢話眼腫只係因為眼影搽得太上，切記眼影唔可以搽高於眼窩位置（眼窩即係骷髏頭凹陷位，唔知可以合埋眼用手指feel下~）另外深色眼影永遠搽眼尾而非眼頭，否則視覺上會似鬥雞眼~

第一次親身接觸到Jonathan，估唔到外型cool cool嘅佢原來極幽默，講解又夠互動清晰，學到野之餘全程都被逗到哈哈笑！如果他日兔比要跟一個Makeup Artist學化妝，1st choice一定係Jonathan！

好可惜Demo之後無安排參加者實習時間，估唔到發問環節之後竟然係宣佈活動尾聲，仲以為大家可以即場跟住教學試試，專登以素顏look到場，失望．．．

是日聽完名師指導，每人都可以帶走Eye Effect Collection產品慢慢玩，包括Liquid Effect Pencil、Smoky Eye Effect Eyeshadow、False Lash Effect Fusion Mascara仲有Max Effect Nail Polish，多謝eLadies同Max Factor ~ 又有新野玩啦！

Categories: ● 彩妝, ● 眼妝, ● eLadies, ● Max Factor, 妝物妝文