千奇百趣：水手群出沒注意！（上篇）

收到有可靠情報，上周末於深灣遊艇會有一群水手裝打扮女子聚集，為數有成六七十人，究竟係巧合定另有內情？

去到深灣遊艇會二樓，謎底終於解開！原來哩度舉行一個名為「Neutrogena x RICOH 驚喜快拍抗曬 Summer Fun」活動！大會Dress code就係Marine Style服飾，唔怪得咁多個都水手裝打扮啦！

哩群疑似水手嘅參加者心情似乎異常高漲，不時舉起相機拍合照同窗外景緻。窗外正正望到遊客觀光用餐熱點 - 珍寶海鮮舫耶！

由於佢哋實在太嘈，大會工作人員不得不走出黎叫大家肅靜地跟大隊移玉步去碼頭上船。到底上船去邊呀？訪問過好幾名參加者都唔知目的地響邊~ 唔通以活動為名，賣豬仔為實？

睇黎係諗多左啦！船駛至一個小島，上面有一個半露天茶座，充滿渡假感覺。上岸後佢哋都獲發一條UV測試手帶，工作人員再三提醒搽防曬產品要搽哩隻手帶，當手帶顏色開始變淺就要補搽防曬啦！

之後佢哋一窩蜂咁去攤位，拎起大會提供Neutrogena 防曬品搽呀搽，噴呀噴。由於人數太多攤位太細，情況有點混亂~

好明顯哩個小姐係用防曬噴霧，睇下佢噴得幾狠！

哩個小姐選擇用搽嘅，不過唧得太多啦！睇黎應該有排搽

大會安排左小食同飲品招待

由於無位置就座，參加者要拎住行裝、飲品同碟都頗狼狽。

見佢哋食夠飲夠，Neutrogena 代表就開始介紹產品，好多人吼住佢把遮wo~ Neutrogena防曬產品好似把遮咁幫您擋住紫外線，當中Helioplex成分抗陽光分解架！

輪到RICOH代表介紹Ricoh PX

哩部相機唔只機仔細細，仲防水防撞，水中拍攝絕無問題。

想知佢地之後響島上有咩搞作？咁就要留意下回分曉啦！

據情報員兔比表示佢即場試用左Neutrogena Ultra Sheer Body Mist Sunblock，貪佢好似蚊怕水咁夠方便一噴OK，搽手搽腳極方便，而且質地爽到唔覺有搽野，完全透明連推開都唔駛，噴個下仲涼浸浸~ 不過哩隻唔防水汗人唔多岩用啦！因為一出汗就會出現流白汗現象，好尷尬．．．

之後兔比返歸又試左銀色包裝嘅Ultra Sheer Body SPORT Sun Block Lotion

白色膏狀，質地較厚重，要花一點時間先完全推開至透明

標明防水果然係無咁易化開，不過如果出汗再捽都會變白，所以千祈咪捽用紙巾引走汗水好啦！

不黏手不過有D油，用面油紙印印情況不算嚴出，以SPF 50高防曬度黎講算可以接受。

以上都係無色嘅防曬，如果要改善膚色可以用Ultra Sheer Complete UV Waterlight Lotion，有透明、紫色同粉色3色選擇。

質地比較水感，輕盈透薄非常好推。

紫色同粉色有明顯改善膚色效果，提升明亮度。

不黏笠但油份確實比較多

Categories: ● 抗曬, ● 深灣遊艇會, ● Neutrogena, ● RICOH, 活動分享