皮膚都要降火？！

中醫所指嘅火同西醫指發炎相關，上火﹝即係熱氣﹞現象包括紅、腫、熱、痛等不適，我地會飲涼茶下火，原來皮膚有火都可以「撲火」。

ORIGINS 同 Dr. Andrew Weil 合作推出「靈芝菇菌健膚系列」專門針對敏感肌膚及炎症。炎症持續就會慢慢演變為「體內之火」(隱性炎症) ，令皮膚細胞受到破壞，產生各種肌膚問題。

Dr. Andrew Weil for Origins 靈芝菇菌健膚系列推出3 款升級版基礎護膚產品：靈芝菇菌升級健膚水、面霜及乳液，除了原有6大經典綜合菇菌配方及草本「撲火」成份，新配方仲蘊含有效激活細胞、對抗衰老「水仙百合球莖萃取」，更能迅速有效撲滅「體內之火」，舒緩敏感徵狀，且能活化細胞，有效提升肌膚活力、緊緻肌膚同時延緩衰老，令肌膚更健康、持久青春。

升級版「靈芝菇菌健膚系列」產品包括靈芝菇菌升級健膚水、靈芝菇菌升級健膚精華同靈芝菇菌升級健膚乳液，包裝一貫ORIGINS簡約作風。

靈芝菇菌升級健膚水 Mega-Mushroom Skin Relief Soothing Treatment Lotion $316 / 200ml 

揭蓋式設計單手已經開到，樽口好細唔會一次過倒過多

稀薄水狀質地，滲透性極高，可惜好大陣中藥味，個人覺得有點難受。。。

即時為潔面後肌膚補水，同時軟化角質，水份幼滑度都有即時提升。

抹過痘痘位置都無不適，可見性質溫和唔刺激。高滲透性做到迅速補水同軟化角質，肌膚即時感覺潤澤有光采，不過對乾燥肌膚似乎保濕度不足，用後無耐肌膚已出油，需配合較滋潤面霜使用。中藥氣味太濃烈，未必人人可以接受><

靈芝菇菌健膚精華 Mega-Mushroom Skin Relief Advanced Face Serum $510 / 30ml

焦糖色乳液狀，延伸性強，質地輕盈易推，將樽口倒轉會流出黎，可見流動性好高。氣味相對較健膚水清新，較易為人接受。

推開後略嫌有輕微黏笠

勝在完全吸收後無任何油份

吸收速度一般，要稍長時間滲透，按摩後未有即時被完全吸收。輕盈質地唔油膩，而保濕效果令人滿意，肌膚柔潤不乾燥，不足係有輕微黏笠感。

靈芝菇菌升級健膚乳液 Mega-Mushroom Skin Relief Soothing Face Lotion $600 / 500ml

泵裝設計取用份量容易控制，附有膠蓋防止意外按出。

乳白色乳液延伸性強，質地輕盈易推，氣味相對較健膚水清新。

水份幼滑度即時提升。

同樣印唔到油份

跟精華比較，質地比較厚身。

吸收速度只屬一般，日間保濕效果尚算滿意，但晚間就似乎不足以於冷氣下長效保濕，訓醒發覺油脂分泌頗多，而且跟精華一樣有輕微黏笠感。

試用一個星期多，幼滑同光澤度未覺明顯改善，而強化膚質方面似乎言而尚早，期間起碼無任何泛紅脫皮現象出現，不過一星期後下巴同額頭漸漸起左好多石頭瘡（平日都唔會起咁多。。。

），未知係咪哩套產品岩成熟皮膚多D，皮膚虛不受補，HELP！

Categories: ● 精華, ● 靈芝菇菌, ● Andrew Weil, ● Origins, 產品試用