發表文章
早前非常榮幸收到邀請出席著名美國礦物彩妝品牌 Bare Escentuals 香港首個化妝班，於 Bare Escentuals 登陸香港前率先體驗品牌旗下皇牌產品，化妝同時解決肌膚問題
當日活動響皇家太平洋酒店舉行，除左茶水大會仲為大家準備左小食。檯面擺放住形形式式產品，而碟上面係今次主打嘅底妝品，同時係品牌送俾出席者嘅見面禮
由品牌代表先作介紹
Bare Escentuals包括bareMinerals、BUXOM 同 md formulations 3個旗下品牌，而即將響香港推出嘅 bareMinerals 唔只獲獎無數，於美國礦物化妝品市場不論知名度及使用率都排名No.1，而且仲係大幅拋離其他對手包括知名貴櫃及開架品牌，登陸日本市場都極受歡迎
到底 bareMinerals 有咩魅力之處？產品完全無加添肌膚唔需要物質，融合化妝同護膚，90﹪用家表示長時間使用肌膚得明顯改善。配方溫和純淨，就算唔卸妝訓覺都無損膚質
bareMinerals產品包括底霜、粉底、化妝掃、唇部及眼部產品。當中皇牌產品 bareMinerals 礦物粉底，具SPF15防曬功效，不含任何防腐劑、香料、油、滑石粉或其他化學物。經臨床及用家測試有效改善膚質，包括收細毛孔、減淡細紋、提升膚色剔透度、令肌膚更柔軟平滑
由 Bare Escentuals Senior makeup-artist ﹣ Fabian Lui即場示範正確用法，開始前先俾大家近距離望望model素顏膚質，大家可以比較一下妝前妝後變化
上妝前先搽 PRIME TIME Foundation Primer 打底
所有bareMinerals粉狀產品都係以Swirl（打圈）、Tap（輕拍）、Buff（掃上）方法使用
倒適量粉底於盒蓋，以化妝掃打圈均勻沾取粉底（Swirl），然後輕拍蓋邊拍走多餘份量（Tap），就可以掃上面（Buff），先由面部周邊開始打圈掃上，然後中央位置，小瑕疵可以用掃輕輕按壓。由於Coverage頗高，所用份量唔需要太多。切記唔好一次沾過多，寧願唔夠再重覆上粉
完成粉底同遮瑕當然要定妝喇！同樣 Swirl Tap Buff 然後打圈掃上 Mineral Veil 定妝粉，最後唔少得加上彩妝，短短十分鐘內已經搞定，近距離望清楚，膚色均勻晒，妝感自然唔厚重，皮膚睇落光滑左唔少
示範過後大家都可以親身試試上面，除左底妝之外仲可以試試其他彩妝品
粉底共12色，而品牌揀選左3個適合亞洲人色號俾大家試試。先卸走面上化妝，掃上幾款不同色號粉底，當中色調同肌膚最自然融合個款就最fit~要揀自己最適合嘅粉底色號唔好只試上手，以兔比自己為例未試過上面都唔知原來同其他比自己白一截嘅blog友一樣最fit用medium beige
粉質幼細，觸感輕薄幼滑。只要按照正確方法，輕易打造極透薄自然裸妝，均勻全面膚色同輕度遮瑕，而且粉狀質地完全清爽不膩，炎夏至岩！
擰開蓋入面會再有Click Lock Go® 透明膠蓋，第一次開封好似開汽水咁揭開蓋掩，由細孔倒出粉底，用完又可以lock住防止粉底倒瀉，設計非常體貼
配合粉底使用嘅 Handy Buki 化妝掃，由山羊毛造有足夠抓粉能力，輕易塑造透薄自然妝效
PRIME TIME Foundation Primer質地特別，好似油咁好推，但觸感清爽不膩，而且搽開之後肌膚摸落滑滑溜，Amazing~
每檯都有工作人員由選色到上彩妝全程協助。由於兔比太慢手慢腳，恐怕拍個人照個時都未化好全妝，工作人員 Joanne 非常貼心咁幫忙畫眼線，感謝！
上篇blog文兔比都提過自己最近爆左好多石頭瘡（前文回顧：皮膚都要降火？！），當日素顏出現恐怕已經嚇死左唔少人，上左妝之後終於似返個人樣（只上左粉底同定妝粉，無用到concealer），紅腫痘痘都唔太覺眼喇！最開心係妝後一D都唔粉樣，而且好long lasting，唔易浮粉同溶妝，比平日用開嘅 BB cream 更得人歡心
bareMinerals 仲會繼續出現響未來幾篇Blog文，記得留意啦！
0 留言:
張貼留言