Estée Lauder邁向完美肌膚小撇步

早前收到HKCOSME之邀參與Estée Lauder 活動，今次已係兔比第二次到位於Times Square嘅Estée Lauder Beauty Centre（前文回顧：失而復得的Estee Lauder彩妝體驗）

未開始可以玩一下檯上產品~HEHE

呵呵~檯上有兔比至愛古古力，唔客氣啦！

同一地點同一導師，咪以爲連工作坊內容都一式一樣，雖然同樣包括護膚及化妝，不過今次焦點落係新推出嘅Idealist Even Skintone Illuminator同Idealist Cooling Eye Illuminator。

由卸妝潔面到搽精華面霜大家跟住Jacqueline step by step做，大概跟上次一樣。

Idealist Even Skintone Illuminator以Estée Lauder首創三重光效煥采技術，多角度提升肌膚光線折射能力，即時淡化痘印、斑點同膚色不均等瑕疵，顯著改善肌膚亮度。

「肌膚調色技術」揉合了專利成分Glucosamine-DP，抵禦因環境侵害、壓力、睡眠不足等引致暗啞及膚色不均問題，從深層開始調整膚色，為肌膚均勻調亮，柔光袪啞，測試證明2星期內改善膚色。

有種清甜果香，內含微細閃閃粒子，即時聯想到Bio記Slim Code。

大概因為閃閃粒子加強光線折射，肌膚即時有輕微打亮效果，質地水潤易推開。

另一新品Idealist Cooling Eye Illuminator見到廣告已經好想一試！今次仲可以試上眼真係太好啦！包裝成支Lip gloss咁，所謂嘅太空冰極頭看似平平冇奇，不過接觸皮膚感覺涼浸浸好舒服，而且響眼底不斷按摩都冇將冰極頭變暖，保持持久冰涼，好似凍匙按摩咁可以消除眼部浮腫。據導師所講冰極頭採用太空船相同質料，係產品專利！

Jacqueline為大家示範用法，我地嘅麻豆係baby face嘅千千~先擠出適量點響眼頭、眼珠對下同眼尾

用冰極頭來回響眼頭至太陽穴輕推，上眼簾同樣都係先點適量再輕推，有助改善血液循環同紓緩疲勞，兔比極有興趣入手！

就算Product幾有效都無可能即時變完美肌膚吧~ 所以化妝絕不可少！完成護膚程序改由makeup artist Elaine教授化妝~

以Estée Lauder 獨有iMatch色版準確揾出自己最適合粉底色號，唔駛搽上面又估估下~

用掃順住肌膚紋理搽上粉底（切記！唔好逆方向以免粉底倒塞毛孔），唔好搽漏髮邊位置。

Idealist Cooling Eye Illuminator除左妝前用之外，其即時打亮效果可以用響底妝上作highlight，搽響鼻樑、眼下月亮位、下巴同人中，加強面部立體感。

眼底要用較滋潤嘅cream狀concealor修飾，擠上手背用掃混合少量Idealist Cooling Eye Illuminator，先點上眼頭及眼尾，然後連線方式將兩點連埋。其他位置瑕疵建議用遮瑕度較高嘅stick狀concealor，先搽上手背再用掃以輕拍方式點上

以粉餅取代碎粉定妝，用掃沾上適量以滾筒式手法往面上轆180°，可以避免拖走Concealor同令妝感更自然，接住用冇沾粉個面掃走多餘粉粒，話咁快底妝就搞定啦！

眼妝方面先搽eye base打底，用一深一淺色眼影化出層次。眼頭2/3掃上淺色，眼尾1/3掃上深色，切記眼影唔可以搽得高於眼窩，否則會顯得眼腫，畫上整條黑色上眼線。

晚妝可以重手一點，下眼線用深色眼影畫上眼尾1/3

最後上下睫毛都掃上Mascara

Elaine教路補妝個時可以棉花捧沾少少cream狀concealor，然後輕輕抹走甩響眼下嘅污垢，又快又唔會整花底妝。

胭脂除左斜掃臉頰，全面掃少量以均勻全面顏色，感覺更自然。

唇妝搞搞新意思，改為先搽Lip gloss後搽唇膏有豐唇效果，兩者都由嘴角開始勾畫唇形。

實習時間各BA同導師都熱心幫忙！本身偏好低調啡色系，但Elaine話兔比膚色深化左都唔出，建議大膽一點化Cool Tone紫色，仲親自幫兔比化一邊眼，原來兔比都可以carry到紫色耶！

率先將8月1號先推出嘅Idealist Even Skintone Illuminator帶回家，同日一卜開心留影~

多謝Estée Lauder同HKCOSME~

Categories: ● 化妝, ● Estée Lauder, ● Idealist, ● Illuminator, 活動分享